# Community Partner

#FactsFirstPH

Fact checks

DILI TINUOD: Pangangkon ni BBM nga ‘walay kahigayonan’ ang iyang pamilya sa pagtubag sa P203-B nga kaso sa buhis

Mindanao Gold Star Daily

Contributor

DILI TINUOD: Pangangkon ni BBM nga ‘walay kahigayonan’ ang iyang pamilya sa pagtubag sa P203-B nga kaso sa buhis
Sa interbyu sa celebrity nga si Toni Gonzaga bahin sa bag-ong gilusad nga Manny Villar ALLTV niadtong Septiyembre 13, si Bongbong niingon nga dihang nigawas ang kaso, wa gyud sila tugoti nga maglalis kay tua silang tanan sa United States, gitanggong sa Hickam Air Force Base.

PANGANGKON: Gusto ni Presidente Ferdinand ‘Bongbong’ Marcos Jr. nga ablihan og balik ang P203-bilyones nga estate tax nga kaso batok sa iyang pamilya.

Sa interbyu sa celebrity nga si Toni Gonzaga bahin sa bag-ong gilusad nga Manny Villar ALLTV niadtong Septiyembre 13, si Bongbong niingon nga dihang nigawas ang kaso, wa gyud sila tugoti nga maglalis kay tua silang tanan sa United States, gitanggong sa Hickam Air Force Base.

“Open the case and let us argue it so that all of the things that we should have been able to say in 1987, ’88, ’89 that we were not able to say, we can clarify the properties that they say belong to us”, ingon siya.

Ang Toni Gonzaga Studio channel sa YouTube adunay kapin sa 6.34M subscribers. Ang iyang Eksklusibo nga Interbyu kay Bongbong nakaani ug kapin sa 3.7M views, 228K likes, ug 23K comments as of October 1, 2022.

KATEGORYA: DILI TINUOD

ANG KAMATUORAN:

Si Bongbong ug Imelda Marcos mao ang mga co-administrator sa Estate ni anhing diktador Ferdinand Marcos. Base sa Tax Code ug implementing regulations, ang pagbayad sa estate tax gipahamtang sa tagdumala sa maong estate.

Niadtong 1993, dihang kongresista pa si Bongbong sa Ilocos, ang Korte Suprema (SC) mihatag sa iyang buhatan sa warrants of distraint and levy of sale.

Si Bongbong nisang-at og petisyon nga nagkuwestiyon sa P23.3 bilyones nga estate tax assessment nga giisyu sa Bureau of Internal Revenue. Apan sa Enero 13, 1999 SC Resolution, kini nag-asoy nga ang Court of Appeals (CA) mibasura sa petisyon niadtong Nobyembre 29, 1994. Ang CA mihukom nga tungod kay ang tax assessment nahimong pinal ug dili ma-appeal, “the manner and method in which the tax collection is sought to be enforced can no longer be questioned.”

Si Bongbong miapelar sa desisyon sa CA ngadto sa SC. Apan, niadtong Hunyo 5, 1997, gisalikway sa Third Division sa SC ang apela nga nagpamatuod sa tanang bahin sa desisyon nga gihimo sa CA. Niduso dayon siya og motion for reconsideration apan niadtong Septiyembre 29, 1997, gibalibaran kini sa SC Third Division.

Ang iyang inahan nga si Imelda niduso usab og mosyon nga i-refer ang maong butang ngadto sa SC en banc. Apan gibalibaran kini tungod sa kakuwang sa merito.

The SC said: “The foregoing notwithstanding, the record shows that notices of warrants of distraint and levy of sale were furnished the counsel of petitioner on April 7, 1993, and June 10, 1993 and the petitioner himself on April 12, 1993 at his office at the Batasang Pambansa. We cannot therefor, countenance petitioners insistence that he was denied due process. Where there was an opportunity to raise objections to government action, and such opportunity was disregarded, for no justifiable reason, the party claiming oppression then becomes the oppressor of the orderly functions of government.”

Misang-at na usab og ikaduhang motion for reconsideration ang mga Marcos apan gibalibaran gihapon. Gideklarar sa SC nga final na ang desisyon niini.

Sa usa ka desisyon sa SC kaniadtong Enero 13, 1999, kini nag-ingon: “We do not see any cogent or compelling reason to allow the same issues to be opened anew in the instant petition. As a settled rule, once a judgment or an order has become final, issues therein should be laid to rest.”

Ang SC Third Division mipagawas ug laing resolusyon niadtong Marso 9, 1999, nga nagdeklarar nga ang kaso sa Marcos estate tax assessment kay final ug executory. Ang prinsipal nga kantidad nga P23.3 bilyones ka pesos nga buhis sa yuta dugay nang nahimong pinal, executory, ug dili maapelar sukad sa Disyembre 1991 sa dihang ang mga Marcos napakyas sa pagprotesta sa assessment sulod sa 30 ka adlaw gikan sa pagkadawat sa assessment.

Kini nga artikulo gihubad sa bisaya ni Dave Achondo sa Mindanao Gold Star Daily gikan sa fact-check sa Davao Today ug gipatik kini ni adtong Oktubre 1 karon tuiga. Ania ang orihinal nga link niini nga fact-check: https://davaotoday.com/politics/fact-check-bbms-claim-his-family-had-no-chance-to-answer-the-p203-b-tax-case-is-false/

(Ang Mindanao Gold Star Daily kabahin sa kapin sa 100 ka organisasyon online nga inisyatiba gikan sa media, coalitions, civil society, business, academe, law, ug ang religious sector nga gitawag og ‘#FactsFirstPH.’ Ang inisyatiba nagtumong sa hiniusang pagduso sa kamatuoran ug ang pag-debunking gipasukad sa upat ka lakang: pagsusi sa kamatuoran sa mga organisasyon sa balita; networking sa civil society ug grassroots groups; panukiduki ug pagtuki sa mga institusyong pang-akademiko; ug pagpangita og tulubagon sa mga grupo sa mga abogado.)

This piece is republished with permission from Mindanao Gold Star Daily.

3 comments

Sort by
  1. KI

    Reading your article has greatly helped me, and I agree with you. But I still have some questions. Can you help me? I will pay attention to your answer. thank you.

  2. KG

    I am sorting out relevant information about gate io recently, and I saw your article, and your creative ideas are of great help to me. However, I have doubts about some creative issues, can you answer them for me? I will continue to pay attention to your reply. Thanks.