# Community Partner

#FactsFirstPH

Fact checks

TINUOD: Gi-red-tag sa mga tigbalita sa SMNI ang Rappler CEO, Maria Ressa sa kahanginan

Mindanao Gold Star Daily

Contributor

TINUOD: Gi-red-tag sa mga tigbalita sa SMNI ang Rappler CEO, Maria Ressa sa kahanginan
Ang red tagging, nga gihimo sa tulo ka mga tigbalita, usa ka seryoso nga kalapasan nga mahimong pasakaan og defamation ug libel.

Ang red tagging, nga gihimo sa tulo ka mga tigbalita, usa ka seryoso nga kalapasan nga mahimong pasakaan og defamation ug libel.

KATEGORYA: TINUOD

ANG KAMATUORAN: Sa programa sa balita nga ‘Laban Kasama ang Bayan’ sa Sonshine Media Network International (SMNI), ang mga host nga sila Franco Brando, Jeffrey Celiz, ug Lorraine Badoy kataw-anan nga nagtaho og bakak nga impormasyon ug gi-red-tag ang Nobel Peace Prize ug CEO sa Rappler Maria Ressa pinaagi sa pag-ingon nga naghatag siya og mga plataporma sa Partido Komunista, nga naghimo kaniya nga instrumento sa paglimbong ug disinformation. Nagtuo usab sila nga hapit na mapriso si Ressa nga angayan kaayo niya.

Kini dili tinuod tungod kay walay ebidensya nga naglambigit kang Ressa sa Partido Komunista.

Ang red tagging, nga gihimo sa tulo ka mga tigbalita, usa ka seryoso nga kalapasan nga mahimong pasakaan og defamation ug libel. Ang kanhi tigpamaba sa NTF-ELCAC nga si Lorraine Badoy nabantog tungod sa iyang red-tagging schemes. Siya nag-atubang sa labing menos daghang mga reklamo ug mga kaso sa pag-red-tag sa lainlaing mga indibidwal ug grupo bisan kaniadto.

Ang iyang partner-in-crime nga si Jeffrey Celiz kinsa naila nga “whistleblower” sa NPA, nasakpan usab kaniadto nga namakak ug red-tagging.

BASAHA:

Groups mount pushback vs Badoy for red-tagging

NPA disowns military ‘whistleblower’ Jeffrey Celiz

Who is Mr. Jeffrey Celiz or “Ka Eric” Almendras and Why the Public Should Not Believe His Wild Claims

Ang network nga SMNI mao usab ang tulubagon sa pagtugot sa mga balita nga sama niini nga ipasalida. Usa ka kamatuoran nga ang tag-iya niini nga network mao si Apollo Quiboloy, usa ka kriminal nga gipangita sa FBI tungod sa daghang mga kaso sa Sex Trafficking of Children, Sex Trafficking by Force, Fraud, ug uban pang mga krimen.

BASAHA:

https://www.fbi.gov/wanted/human-trafficking/apollo-carreon-quiboloy

THE CASE VS QUIBOLOY | Years of alleged abuse, fraud catch up with Davao preacher

Bahin niini, ang Movement Against Disinformation (MAD) mitawag niini nga buhat nga usa ka paglapas sa Broadcast Code sa Kapisanan ng mga Brodkaster ng Pilipinas (KBP), usa ka asosasyon nga giapilan sa SMNI ubos sa Swara Sug Media.

Corporation. https://www.facebook.com/PhilippinesMAD/posts/199688632479286

Ngano nga gisusi namo kini sa kamatuoran: Uban sa hapit 9,000 nga pagtan-aw sa Twitter, ang kamatuoran nga ang SMNI Twitter account mipaambit niini nga taho nagpasabot nga sila tinuyo nga nagpakaylap niini nga disinformation nga moral ug legal nga kriminal.

Usab, kini nga mga red-tagger mibalik nga nagbutang sa mga target nga tawo sa peligro. Ang mga tawo nga gi-red-tag dali nga madala sa mga hulga sa kamatayon ug kapintasan. Sa pipila ka mga higayon, ang mga target sa red-tagging giharas usab sa mga akusasyon sa terorismo.

Kini nga artikulo gihubad sa bisaya ni Dave Achondo sa Mindanao Gold Star Daily gikan sa fact-check sa Baguio Chronicle ug gipatik kini ni adtong Oktubre 14 karon tuiga. Ania ang orihinal nga link niini nga fact-check: https://www.facebook.com/baguiochronicle/posts/pfbid0smEDenXZjHbNnuVfuzk5xTo4M9H8ywP8ERWrVs5KcFVDDL7SD4u6prJ19WSGYjqzl

(Ang Mindanao Gold Star Daily kabahin sa kapin sa 100 ka organisasyon online nga inisyatiba gikan sa media, coalitions, civil society, business, academe, law, ug ang religious sector nga gitawag og ‘#FactsFirstPH.’ Ang inisyatiba nagtumong sa hiniusang pagduso sa kamatuoran ug ang pag-debunking gipasukad sa upat ka lakang: pagsusi sa kamatuoran sa mga organisasyon sa balita; networking sa civil society ug grassroots groups; panukiduki ug pagtuki sa mga institusyong pang-akademiko; ug pagpangita og tulubagon sa mga grupo sa mga abogado.)

This piece is republished with permission from Mindanao Gold Star Daily.

Add a comment

Sort by

There are no comments yet. Add your comment to start the conversation.