# Community Partner

#FactsFirstPH

Fact checks

FACT-CHECK: Usa nga political analyst waray siring nga hi Kris Aquino ginamit an iya tatay para madugngan an iya kasikatan

Press One

Contributor

FACT-CHECK: Usa nga political analyst waray siring nga hi Kris Aquino ginamit an iya tatay para madugngan an iya kasikatan

press one

Waray dida han Youtube video ni Idol Caloy nagpapakita nga hi Contreras nag-aakusar kan Kris Aquino hin paggamit han iya namatay nga tatay para han iya karera.

Waray dida han Youtube video ni Idol Caloy nagpapakita nga hi Contreras nag-aakusar kan Kris Aquino hin paggamit han iya namatay nga tatay para han iya karera.

AN SIRING: Political Analyst nga hi Antonio Contreras nagsiring nga hi Kris Aquino ginamit an iya namatay nga tatay para madugngan an iya kasikatan
RATING: BUWA

Ha usa nga video nga puno hin mga patalastas, an Youtube channel nga “Idol Caloy” in mali nga nagsisiring nga an political analyst nga hi Antonio Contreras in nag-akusar ha actress ngan TV host nga hi Kris Aquino hin paggamit han iya tatay, an ginpatay nga hi dati senador Benigno “Ninoy” Aquino Jr., agud nga hiya mas magin sikat.

Gin-utod-utod ni Idol Caloy an kan Contreras vlog han Agosto 22 ngan gin-upload utro ha youtube han Agosto 25, ngan nagkamay-ada hin 30,000 nga views ngan 300 nga comment.

Pero, waray dida han video ni Idol Caloy nagpapakita nga nagsisiring nga hi Contreras nag-aakusar kan
Kris hin paggamit han iya nawara nga amay para han iya karera.

An cover image ni Idol Caloy in usa nga himo-himo nga pahayag ni Contreras: “Kung mahal mo ang ama mo, sana binigyan mo siya ng hustisya, isa ka ring user Kris!” (Kun higugmaon mo an imo amay, unta tinagan mo hiya hin hustiya, usa ka liwat nga manggagamit Kris!)

An video in may-ada titulo nga “KRIS MAS MAITlM ANG BUDHl KESA KAY CORY, GINAMIT LANG ANG AMANG SI NINOY PARA SA POPULARIDAD NIYA!” (KRIS MAS MARAOT AN PAGKATAWO KONTRA KAN CORY, GINAMIT LA AN AMAY NGA HI NINOY PARA HAN POPULARIDAD NIYA)

An lower thirds han video may-ada nakasurat nga “Kris, plastic magmahal sa ama.” (Kris, plastic ha paghigugma han iya amay)

An dati nga propesor han political science ha De La Salle University in nagdiwara pinaagi hin mga pahayag han Agosto 27.

“This grossly misrepresented what I said in my FB live. I did not even say that quote,” (Ini in sobra nga mali nga interpretasyon han akon pahayag ha akon FB live. Waray ako pagyakan hiton nga pahayag) siring niya.

“While I appreciate people sharing my vlogs, I cannot allow people to put words in my mouth, or grossly misrepresent what I said, more so if it places me in a bad light, for which I can hold you liable,” (Samtang akon gin-tatagusya an mga tawo nga nagsi-share han akon mga vlogs, diri ko puydi itugot nga hira in magbutang hin mga pulong ha akon baba, o hin sobra nga mali nga ig-interpretar an akon mga siring, labi nga ini in nagbubutang ha akon hin diri maupay nga lugar, diin pwede ko kamo papagbatonon) siring ni Contreras.

Ha iya orihinal nga vlog, nagsiring hi Contreras nga an tinuod nga serkumsyansya nga nakapalibot han pagpatay kan Ninoy Aquino han Agosto 1983, kaapi an kon hin-o an mastermind hini, nagpapabilin nga usa nga pakiana ha kasaysayan. Iya daman ginkwestyon kay ano an mga Aquino in pakyas hin paghibaro kon hin-o an nagsugo han pagpatay han dati nga senador, nga usa nga makusog nga kritiko han rehime Marcos.

Gin-isa daman ni Contreras an mga pakiana mahiunong han mga legasiya ni Ninoy Aquino.

“Si Cory parang walang ginawa para talagang malaman kung sino talaga ang nagpapatay sa asawa niya. Nu’ng si Noynoy Aquino na naging presidente, walang pagkilos tungkol sa isyung yan. Parang napaka-konbinyente na ‘yung kanyang kamatayan ay itapon na lang bigla at isisi kay Marcos. Pero ang tanong ay totoo ba talaga ‘yon. At bakit parang ang mga supporters niya kapag sinabi mo ‘yun parang gumagawa ka ng isang malaking kasalanan. Malaking kasalanan ba ang hanapin ang katotohanan?” (Hi Cory parang waray ginbuhat para gud man mahibaruan kun hin-o an tinuod nga nagpapatay han iya asawa. Han hi Noynoy Aquino na an nagin president, waray aksyon mahiunong hini nga isyu. Parang napaka kumbenyente nga an iya kamatayan in ilabog nala tigda ngan sayopon hi Marcos. Pero an pakiana, tinuod ba talaga adto. Ngan kay-ano nga parang an mga supporters niya kun siniring mo ini paro hin dako an imo kasaypanan. Dako nga kasaypanan ba an magbiling hin kamatuoran?) sumala ha iya. —Translated by Aboy Abayan

PressOne.PH is part of #FactsFirstPH which brings together various sectors that are committed to promoting truth in the public space, and exacting accountability on those who harm it with lies. For those interested to join the initiative, email info@factsfirst.ph

PressOne.PH has adopted Facebook’s ratings options for third-party fact checkers and is working toward accreditation with the International Fact-Checking Network (IFCN).

See our fact-checking policy here.

This piece is republished with permission from Press One.

Add a comment

Sort by

There are no comments yet. Add your comment to start the conversation.