# Community Partner

#FactsFirstPH

Fact checks

FACT-CHECK: Imee Marcos kaklase ni P3PWD Party-list Rep. Rowena Guanzon ha UP law school

Press One

Contributor

FACT-CHECK: Imee Marcos kaklase ni P3PWD Party-list Rep. Rowena Guanzon ha UP law school

press one

Mga taga-suporta ni Sen. Imee Marcos nagduduso hin diri ungod nga impormasyon nga nagsisiring nga hi P3PWD Party-list Rep. Rowena Guanzon in nagsiring nga an senador in gradwado ha University of the Philippines (UP) law school ha Diliman, Quezon City.

Mga taga-suporta ni Sen. Imee Marcos nagduduso hin diri ungod nga impormasyon nga nagsisiring nga hi P3PWD Party-list Rep. Rowena Guanzon in nagsiring nga an senador in gradwado ha University of the Philippines (UP) law school ha Diliman, Quezon City.

AN SIRING: P3PWD Party-list Rep. Rowena Guanzon nagsiring nga hi Sen. Imee
Marcos in iya kaklase ngan kausa hin pagradwar ha UP law school
RATING: DIRI UNGOD

An PressOne.Ph ha diri pala maiha nag-publish hin fact-check video ha iya Tiktok channel mahiunong hin mali nga impormasyon nga hi Sen. Imee Marcos nakakuha han law degree tikang ha Unibersidad han Pilipinas.

Ngan dayon ini an mga netizens nagkumento hin mali-mali nga an PressOne.PH daw diri mga asya an mga ginsiring, kay mismo daw hi P3PWD Party-list Rep. Rowena Guanzon an nagyakan nga hiya ngan hi Sen. Marcos in magkaklase ha UP College of Law. An iba ngani hini mali nga nagsiring nga hi Guanzon nagyakan nga hi Marcos nakakuha han iya law degree ha UP.

Ini nga ira mga siring in DIRI UNGOD.

Usa nga istorya han GMA News nag website han January 2022 gin-quote hi Guanzon nga nagyayakan nga hiya ngan hi Sen. Marcos in magsapit hin lingkuran ha klase. Ha usa nga post ha iya Facebook page han Marso 31, an dati nga komisyoner han Commission on Elections utro nga nagyakan nga hiya ngan han senador in magkaklase ha UP law. Pero waray ha artikulo han GMA News o bisan han kan Guanzon Facebook post nagsususmat nga hi Imee Marcos nakakarawat han iya law degree tikang ha UP.

An pag-atendir ngan pakatangpos hin coursework diri diritso nga nangangahulugan nga an istudyante nakakuha hin akademiko nga degree.

Subay han UP administration, pinaagi han dati nga executive vice president nga hi Dr. Teodor Herbosa, nagsiring, “Waray record han iya pag-gradwar ha UPD (UP Diliman) o hin bisan ano nga honor o akademiko nga pagkilala nga nakarawat ha opisina han registrar han unibersidad.”

An dati nga UP Law Dean nga hi Froilan Bacungan in nagkumpirma gihapon nga “hi Imee Marcos, anak han diktador nga hi Ferdinand Marcos, waray mag-gradwar ha University of the Philippines College of Law”.

Hi Senador Marcos waray magpresentar hin kopya han hiya diploma ha UP law komo patunay nga hiya in nakakuha hin law degree. —Rommel F. Lopez (Translated by Aboy Abayan)

PressOne.PH is part of #FactsFirstPH which brings together various sectors that are committed to promoting truth in the public space, and exacting accountability on those who harm it with lies. For those interested to join the initiative, email info@factsfirst.ph

PressOne.PH has adopted Facebook’s ratings options for third-party fact checkers and is working toward accreditation with the International Fact-Checking Network (IFCN).

See our fact-checking policy here.

This piece is republished with permission from Press One.

Add a comment

Sort by

There are no comments yet. Add your comment to start the conversation.